پیپل کا درخت ---- ---- Sacred fig

تحریر!!!!! راجہ ابرار عاجز

🌴🌴 پیپل کا درخت 🌴🌴

وہ پیپل کا بہت پرانا اور بوڑھا درخت تھا۔ایک بڑے سے کچے تالاب کے کنارے وہ درخت دور ایسے دکھای دیتا جیسے پانی کے اوپر چھتری سی تنی ھوی ھے۔۔۔گھنی شاخیں۔۔ چاروں طرف پھیلی ھوئ تھیں۔۔خوبصورت پتے اور اس پر بیٹھے طرح طرح کے پرندے۔۔۔۔۔ اپنی اپنی بولیاں بولتے۔۔
ھوا چلتی ْْْ تو پتوں سے یوں سرسرا کر گزرتی ۔معلوم ھوتاــ جیسے بوڑھے پیپل سے سرگوشیاں کر رہی ھے۔۔پھل آنے کے موسم میں پورا درخت گول گول سرخ رنگ کے چھوٹے چھوٹے پھلوں سے لد جاتا۔

درخت کے قریب ھی ایک سڑک گزرتی ھے۔۔پاس والے گاؤں کے بچے سکول سے چھٹی کر کے آتے اور اس کی گھنی چھاؤں کے نیچے کچھ پل کے لیۓ سستاتے۔۔۔کچھ منچلے اس کی شاخوں سے پھل توڑتے ۔۔تالاب کا ٹھنڈا پانی پیتے اور پھر گاؤں کی طرف چل دیتے۔۔درخت بھی بچوں کو دیکھ کر مسرور ھوتا۔

پیپل کے اس درخت کے نیچے کسی نے کچھ چوڑے پتھر رکھ دیۓ تھے۔۔امتداد زمانہ سے وہ پتھر گھس گھس کر خوبصورت سلوں کی شکل اختیار کر گۓ تھے۔۔۔لوگ وہاں بیٹھتے اور اپنی تھکن اتارتے۔۔۔

کسی کو معلوم نہ تھا کہ وہ پیپل کتنا پرانا ھے۔۔لوگ اس کو ہمیشہ سے اسی طرح ھرا بھرا اور پھلتا پھولتا دیکھتے چلے آ رہے تھے۔۔اس کے نیچے پھیلی ھوی پانی کی بَن کا نام بھی پیپل والی بَن پڑ گیا تھا۔۔
پیپل کے قریب ہھی کچھ لوگوں نے اپنے ڈیرے بھی بنا لیۓ تھے۔۔وہ خود بھی اس بن کا پانی پیتے اور اردگرد کے گھروں سے آنے والے مویشی بھی اسی بن سے پانی پیتے۔۔
پھر یوں ھوا کہ کسی نے اس پانی کے تالاب کو گہرا کرانے کا سوچا۔۔۔تالاب گہرا کرا دیا گیا۔۔
مگر اب اس کا پانی جلدی سوکھ جاتا۔۔
سکول کے بچوں نے بھی پیپل کے نیچے بیٹھنا چھوڑ دیا۔۔اب وہ گاڑیوں پر سکول آنے جانے لگے۔۔پاس کے گھروں میں پانی کیلیۓ بورنگ ھو گئ۔۔

درخت مرجھانے لگا۔۔اس کے بڑے بڑے ٹہنے ایسے سوکھے کہ دوبارہ پھر ھرے نہ ھوۓ۔۔۔

۔۔کچھ عرصے تک ایک ٹنڈ مُنڈ سا ڈھانچہ کھڑا رہا ۔اور بدلتے ھوۓ زمانے اور لوگوں کے بدلتے ھوۓ چال چلن کو دیکھتا رہا۔۔۔اور پھر زمین بوس ھو گیا

اب وہاں نہ پیپل ھے اور نہ پیپل والی بَن۔۔۔۔بس ایک اجڑا ھوا۔۔۔۔ پتھروں اور مٹی سے اٹا ۔۔۔ویرانہ موجود ھے۔۔۔۔